Në një mbrëmje që pritej të ishte një tjetër moment triumfi për Beyoncé-n në Houston, ndodhi një moment i paparashikueshëm, por që Beyoncé diti ta përballojë me qetësi olimpike.
Gjatë performancës së “16 Carriages”, këngëtarja ndodhej në ajër mbi një makinë të kuqe fluturuese (po, një Cadillac që fluturon), e planifukuar për ta rrotulluar atë rreth stadiumit, derisa gjërat nuk shkuan më sipas planit.
Makina e varur në kabllo filloi të anonte ndërsa kthente një cep mbi publikun. Në vend që të trembej apo të humbiste kontrollin, Beyoncé – me gjakftohtësinë që tashmë është pjesë e imazhit të saj – mbajti kabllon, vazhdoi të këndonte, dhe më pas, me tonin e një regjisoreje në skenë, thirri “Stop, stop, stop.”
Pamjet tregojnë se ajo qëndroi pezull për disa çaste, derisa dhe u tërhoq dhe u ul nga ekipi i sigurisë. Kur zbriti në tokë, ajo s'tregoi asnjë shenjë paniku, përkundrazi, iu drejtua publikut me buzëqeshje duke thënë:
“Dua t’ju falenderoj që më doni. Nëse ndonjëherë bie, e di që ju do më kapni.”
Një deklaratë që ishte njëkohësisht premtim, falënderim dhe performancë në vetvete.
Parkwood Entertainment e konfirmoi ngjarjen pak më vonë në një deklaratë zyrtare:
“Një problem teknik bëri që makina fluturuese të anonte. Ajo u ul menjëherë dhe askush nuk u lëndua. Shfaqja vazhdoi pa asnjë incident tjetër.”
Dhe kështu ndodhi. Sepse kur je Beyoncé, edhe kur gjërat s'funksionojnë, the show must go on. :)
