Aktori dhe komediani Stanley Baxter ka ndërruar jetë në moshën 99-vjeçare!
I lindur në Glasgow në vitin 1926, Baxter u bë i njohur për drejtimin e serive televizive të skeçeve si “The Stanley Baxter Show” dhe “The Stanley Baxter Picture Show”.
Ai e nisi karrierën si aktor fëmijë në serinë e BBC-së “Children’s Hour” dhe ishte pjesë e njësisë Combined Services Entertainment, duke ofruar argëtim të drejtpërdrejtë për ushtarakët, gjatë Luftës së Dytë Botërore.
Suksesi në radio pas luftës çoi drejt punës në teatër dhe pantomimeve dhe në vitin 1959, Baxter u zhvendos në Londër, ku karriera e tij do të përqendrohej në teatër, sitcom-e radiofonike dhe role televizive, ku spikasnin imitimet e figurave të njohura, përfshirë Papën dhe Mbretëreshën Elizabeth II.
Roli të tij në film përfshijnë “Crooks Anonymous”, me Leslie Phillips dhe “The Thief and the Cobbler”, i shquar për faktin se u publikua pas 29 viteve.
Në vitin 2020, Stanley deklaroi publikisht se ishte homoseksual, pas publikimit të biografisë së autorizuar “The Real Stanley Baxter” nga Brian Beacom.
Në të, Baxter, i cili ishte i martuar me bashkëshorten e tij Moira për 46 vjet, e përshkruante të qenit gay si një “jetë shumë të vështirë”.
Ai shprehej: “Ka shumë njerëz homoseksualë sot që ndihen mjaft rehat me seksualitetin e tyre, mjaft të lumtur me atë që janë. Unë jo! Unë nuk kam dashur kurrë të jem gay. As tani nuk dua!”
