Sydney Sweeney mohoi thashethemet se ka bërë ndërhyrje për zmadhimin e gjoksit, gjatë një testi me detektor gënjeshtrash së bashku me aktoren Amanda Seyfried.
“Ka një pyetje që të gjithë e kanë pasur së fundmi dhe thjesht duhet ta bëj… a janë gjinjtë e tu të vërtetë?”, e pyeti Seyfried gjatë videos së publikuar të enjten.
“Po,” u përgjigj duke qeshur Sweeney. “Nuk kam bërë asnjë ndërhyrje askund.”
Eksperti që administronte testin konfirmoi se 28-vjeçarja po thoshte të vërtetën.
“Mund t’i prek?” tha Seyfried me shaka.
“Po, pse jo,” u përgjigj Sweeney me humor.
Aktorja reagoi ndaj thashethemeve për operacione për herë të dytë këtë javë, pasi u pyet edhe gjatë një interviste me revistën Allure.
“T’i hedhim poshtë të gjitha aludimet,” tha ajo. “S’kam bërë asnjë ndërhyrje… jam tmerrësisht e frikësuar nga gjilpërat, s’e imagjinoni dot.”
Në një intervistë në tetor, Sweeney tha gjithashtu se dëshiron të “plaket natyrshëm”. Duke folur për spekulimet rreth pamjes, ajo tha se nuk është aspak e drejtë të krahasohet me foto të saj kur ishte 12 vjeç.
“Sigurisht që do të dukem ndryshe. Tani kam grim dhe jam 15 vjet më e madhe,” u shpreh aktorja.
Në një pjesë tjetër të intervistës, ajo foli për faktin se shumë fansa mendojnë se e njohin për shkak të roleve të saj provokuese në ekran.
“Kur njerëzit thonë: ‘Ah, ajo është simbol seksi’ apo ‘Po e luan këtë rol me qëllim’, unë them: ‘Jo, thjesht ndihem mirë, e bëj për veten time dhe ndihem e fortë’”, shpjegoi ajo.
