Vetëm pak ditë më parë Anabel do të zbulonte e para çiftin e martuar (Matilda-Fatjon) të Big Brother, por së fundmi duket se gjërat janë trazuar pak brenda shtëpisë. Matilda dhe Fatjoni po përpiqen të mos bien në sy, të ruajnë "sekretin" e tyre nga banorët e tjerë por kjo gjë po tensionon marrdhënien e tyre në çift.
Ja çfarë ka ndodhur këto ditë.
Për ata që ndoqën live spektaklin e një jave më parë u njohën me një simpati të shprehur qartë nga një tjetër banore kundrejt Fatjonit. Juliana banorja nga Lezha bëri publik në spektaklin e shkuar pëlqimin e saj duke thënë se ajo do të fitojë medoemos pëlqimin e tij, sigurisht pa e pasur idenë se ai është i martuar dhe se gruaja e tij gjendet brenda në shtëpi. Vendosmëria e saj për të fituar vëmëndjen e Fatjoni po bën xheloze Matildën që është e detyruar të shikojë çdo situatë. Xhelozia e kësaj të fundit ka bërë që ajo t'i kërkojë bashkëshortit të saj t'i qëndrojë larg Julianës sepse sjelljet dhe ngacmimet e kësaj të fundit nuk po i pëlqejnë.
"Ajo luan me ty sepse ti je treguar i dobët, më i dobët se meshkujt e tjerë të shtëpisë" i ka thënë Matilda pak ditë më parë Fationit. Nga ana ai ka mohuar këtë konstatim të Maildës duke i thënë se ai thjesht po luan dhe kjo është thjesht një lojë ndaj ajo s'duhet të bëhet xheloze por duhet t'a kuptojë sjelljen e tij. Debati i tyre ka arritur deri aty sa Matilda ka shprehur se ndoshta do të jetë më mirë që ajo të largohet dhe ai të vazhdojë i qetë lojën e tij. Fatjoni iu përgjigj se ai është i vendosur të luftojë për çmimin e madhe sepse sipas tij askush tjetër nuk ka nevojë për ato para më shumë sesa ai.
Nën trysninë e lojës, me një sekret për t'u mbajtur dhe me Julianës në shtëpi mbetet për t'u parë sesi do të rrjedhin gjërat, nëse martesa dhe lidhja e tyre e gjatë do të rrezikohen nga ky qëndrim në shtëpinë e Big Brother.
