Lista e stilistëve më me ndikim të vitit 2025

Si çdo vit, revista prestigjioze “Hollywood Reporter” ka prezantuar listën e stilistëve më me ndikim në industrinë e kinematografisë dhe muzikës, ata që qëndrojnë pas paraqitjeve më mbresëlënëse në tapetet e kuq, premierat madhështore, koncertet dhe festivalet ndërkombëtare.

Këta profesionistë të modës nuk zgjedhin thjesht veshje, por ndërtojnë histori, përcaktojnë trende dhe ndikojnë në mënyrën si e perceptojmë stilin sot. Me punën e tyre të jashtëzakonshme dhe shpesh të padukshme, ata kanë shndërruar veshjet në deklarata kulturore apo në pasqyrim të personalitetit të kujtdo që i vesh krijimet e tyre.

Le t’i njohim më nga afër disa prej tyre dhe personazhet e famshëm me të cilët punojnë: 

Warren Alfie Baker

Personazhet e famshëm: Glen Powell, Jeremy Strong, Andrew Garfield

Stili: Elegancë moderne për aktorë meshkuj.

Moment ikonik: Kostumi pastel i Jeremy Strong në Festivalin e Kanës 2025.

Wayman Bannerman & Micah McDonald

Personazhet e famshëm: Colman Domingo, Danielle Deadwyler

Stili: Kombinojnë elementë kulturorë me modën e lartë.

Moment ikonik: Pamja tradicionale-afrikane e Colman Domingo në Met Gala 2025.

Jason Bolden (Stilisti i Vitit 2025)

Personazhet e famshëm: Cynthia Erivo, Nicole Kidman, Michael B. Jordan

Stili: Inovacion në tapetin e kuq.

Moment ikonik: Fustani i guximshëm i Cynthia Erivo.

Mimi Cuttrell

Personazhet e famshëm: Ariana Grande, Maude Apatow

Stili: Romantik me prekje moderne

Moment ikonik: Ariana Grande në Oscars me një fustan rozë të frymëzuar nga vitet '50.

Molly Dickson

Personazhet e famshëm: Bella Hadid, Sydney Sweeney, Lana Del Rey

Stili: Guxim dhe shumë shkëlqim

Moment ikonik: Bella Hadid me Saint Laurent në Kanë 2025.

Të tjerë emra të spikatur:

Law Roach, arkitekti i imazhit të Zendaya-s – çdo pamje e saj është ikonike.

Andrew Mukamal, i cili bëri revolucion me pamjen e Margot Robbie-t si “Barbie”.

Kate Young, stilistja pas Scarlett Johansson dhe Dakota Johnson, e njohur për elegancën e rafinuar.

Shiona Turini, stilistja e Beyoncé për projektin “Cowboy Carter”.

Samantha McMillen, që sjell elegancë të përjetshme në stilin e Elle Fanning dhe Kirsten Dunst.

Burimi: Marie Claire