Photo Courtesy of Hurriyet Daily News
Të 12 njerëzit në bordin e helikopterit që u rrëzua sot në Tunceli, Turqi, kanë humbur jetën. Kështu konfirmoi Ministri i Brendshëm turk Suleyman Soylu.
Qendra humbi kontaktin me helikopterin Sikorsky në orën 11:43, deklaroi ministri.
“Nuk ka faktorë të jashtëm pas përplasjes së helikopterit. Ishte pasojë e motit të keq.”, u shpreh ai.
U deshën dy orë e gjysmë që forcat e shpejta të mund të hynin në zonën ku gjendej helikopteri i përplasur.
Helikopteri u nis në Turceli, dhe pas dhjetë minutash në ajër humbi kontaktin me qendrën. Në bord ndodheshin një gjyqtar, 7 oficerë policie, një rreshter dhe tre anëtarë të ekuipazhit, të cilit kishin qenë në krye të detyrës në ditën e referendumit më 16 prill.
Burimi: “Hurriyet Daily News”
