Sofia Vergara është duke hedhur në treg parfumin e saj të quajtur "Sofia". Aroma e saj e re do të dal në treg në 24 prill në Home Shopping Channel sipas Women's Wear Daily.
Bukuroshja latine ka nënshkruar një marrëveshje me shtëpinë e parfumeve Parlux Ltd, e cila ka bashkëpunuar edhe me emra të tjerë të famshëm si Paris Hilton, Rihanna dhe Jay Z, ndërsa për imazhin e parfumit do të kujdeset specialistja Maesa. "Dëshiroja të isha e sigurt që do të ishte një produkt i mirë ndaj zgjodha njerëzit e duhur" tha Vergara.
“Zakonisht nuk preferoj të përfshihem në gjëra kur nuk kam gjë për të thënë. Nuk doja t'i jepja atyre thjesht emrin tim dhe pastaj t'i thoja bëni çfarë të doni. Në fakt po përpiqem të krijoj markën time".
Aroma e re do të bazohet në preferencat personale të Sofia-s. "Do të përmbaj aromën e orkides dhe të trëndafilave sepse ato janë lulet e mia të preferuara dhe janë kolumbiane" tha ajo. "Doja të sillja pak nga ajo që unë jam, nga vij dhe mendova se do të ishte shumë mirë të përfshija në parfum lule që vijnë nga Kolumbia". Përveç linjës së veshjeve, të makeup-it, të flokëve dhe të mobiljeve ajo u shpreh se ky parfum kompleton markën e saj.
Sipas Forbes, 41 vjeçarja arriti të përfitoi 30 milion dollarë nga qershori i 2012-tës deri në qershor të 2013-tës, në saj të marrëveshjeve, markës dhe kontratave televizive.
Burimi: DailyMail
