Duke pasur parasysh disa prej daljeve të tyre në javët e fundit, u supozua se Rihanna dhe Leonardo DiCaprio ishin një prej çifteve më të reja në Hollywood.
Por në një intervistë me Hello! Magazine, 27-vjeçarja Rihanna ka hedhur poshtë të gjitha spekullimet se ajo është dhe 40-vjeçari i nominuar për çmim Oscar të jenë të lidhur bashkë. Kur gazetari e pyet se si i tingëllon emri i DiCaprios, Rihanna iu përgjigj: "Kjo tingëllon për mua, që ju duhet të qëndroni larg nga ato çfarë thuhen nëpër blogje".
Ajo shkoi më tej kur tha se planet e saj të fundit të showbiz-it i lënë asaj shumë pak kohë për t'ju dedikuar një romance. "Jam shumë e zënë momentalisht dhe nuk kam shumë kohë për tu dhënë pas një mashkulli, ndaj nuk do të ishte as e drejtë të përfshija dikë tjetër në këtë lloj jete. Por nëse e bëj, ai duhet të jetë mjaftueshëm mashkull për të jetuar me planet e mia dhe të mos trembet".
Zërat për një lidhje të mundshme mes tyre, u shtuan edhe më tej kur mediat rozë postuan foto të tyre në festën e ditëlindjes së këngëtares nga Barbados-i, muajin që shkoi. Përfaqësuesi i aktorit i tha "Los Angeles Times" se DiCaprio është single dhe kështu ka qënë për disa kohë, duke shtuar se aktori është i fokusuar në xhirimet e dramës "The Revenant in Canada".
Megjithatë, në ditëlindjen e 27-vjeçares në 20 Shkurt, një burim i tha Us Weekly se ata janë parë duke u puthur dhe duke kërcyer bashkë". Po sipas Us Weekly, Rihanna dhe DiCaprio janë parë shumë pranë njeri-tjetrin në ditën e Shën Valentinit dhe atë të ndërrimit të viteve. Edhe TMZ raportoi se ata ishin parë duke u puthur në party-n e organizuar nga PlayBoy në Los Angeles.
Burimi: Daily Mail
#showbiz
