Revista amerikane ka bashkëpunuar me Mattel, për të nxjerrë Barbie-n në kopertinë, në fushatën e re publicitare. Biondja ikonë do të shfaqet në ballinë, me rastin e festimeve, për nxjerrjen e numrit të 50-ë të revistës.
Kukulla plastike do të jetë pjesë e një editoriali, të fotografuar nga Walter Looss Jr., fotograf për një kohë të gjatë pranë revistës. Do të shiten vetëm 1000 kopje të revistës, ndërsa rrjeti i dyqaneve Target, do të shesë eksluzivisht versionin e kukullës Barbie, që shfaqet në revistë.
“Ashtu si Barbie, edicioni i rrobave të banjës në revistë shkakton shumë polemika. Sports Illustrated qëndron, pa u shfajësuar, pas këtij numri special, të cilin femrat e pëlqejnë shumë” thotë përfaqësuesi i revistës. “Kjo është një thirrje për të pranuar veten dhe për të mos kërkuar falje, për atë që je.”
Numri i revsitës del të martën e ardhshme. Ne brendësi të revistës, do të pozojnë modele të njohura si Kate Upton, Tyra Banks, Christie Brinkley, Brooklyn Decker, Heidi Klum, Marisa Miller, Bar Refaeli, Rebecca Romijn, Irina Shayk, Cheryl Tieg.
Burimi: celebuzz
