Aktori 39-vjeçar raportohet se dëshiron të sjell në ekranin e madh të kinemasë jetën e presidentit Theodore Roosevelt. “ Leonardo u ka thënë miqve se pas filmit të tij më te fundit, ai po punon mbi biografinë e Roosevelt-it e cila do të ribashkojë atë me regjisorin e “The Wolf of Wall Street” Martin Scorsese”- tha një burim për RadarOnline të shtunën.
Scorcese dhe DiCaprio,të cilët kanë punuar më herët në filmat “The Aviator” dhe “The Wolf of Wall Street”, kishin planifikuar për ta realizuar këtë film vite më parë, por projekti dështoi.Ai thotë: “ Tani ose kurrë” sepse ka pritur me padurim një dekadë për të pasur buxhetin e duhur për realizimin e këtij filmi.
Filmi është bazuar në biografinë e Edmund Morris “The Rise of Theodore Roosevelt”, fitues i çmimit Pulitzer, dhe ky film do të përshkruaj portretin e famshëm që nga fëmijëria deri në presidencë të Roosevelt-it .
Sipas një tjetë burimi, ylli i Titanik-ut përflitet gjithashtu se do të luaj edhe rolin e presidentit Woodrow Wilson në filmin e bazuar në biografinë e re të A. Scott Berg.
Aktori hollivudian thuhet se mund të marr një çmim Oscar për interpretimin e Jordan Belfort në filmin “The Wolf of Wall Street”. Por sipas Radar, aktori vërtet dëshiron të fitoj çmim të rëndësishëm për biografinë e Theodore Roosevelt dhe për këtë ai do të bëj gjithçka që duhet.
Burimi: DailyMail
