Videoja e re e këngëtares që duke pasur parasysh fillimin e turin botëror, vjen pas disa muajsh thuajse në heshtje, dhe ka
mundur t’a rikthej atë më aktive. E realizuar për këngën G.U.Y, klipi në fakt është një minifilm, ku gjejnë vend edhe këngë të tjera të albumit. Mes imazheve simbolike, kërcimit shpërthyes, Gaga gjen mënyrën për të risjellë aty edhe Jezusin, Gandin dhe Michael Jacksonin.
Video pritet të ngjallë shumë diskutime, si për personazhet ashtu edhe për përdorimin e tyre. Me siguri, Lady Gaga e cila është edhe regjisorja e klipit, ka dashur të përfshijë në të shumë nga situata e saj aktuale, me një fillim në formën e një ëngjëlli të rënë nga qielli i qëlluar nga një shigjetë të një grupi njerëzish skllevër të parasë.
Albumi i artistës "Artpop" nuk ka pasur deri më tani suksesin e pritur, duke pasur parasysh se pritja për daljen e tij
ishte e gjatë.
Sigurisht kjo video, në krahasim me më të fundit, duket se do e kthejë artisten në lavdinë e mëparshme, me një përkujdesje të veçantë si për imazhet edhe për historinë e klipit. Ndoshta tani me fillimin e turit edhe albumi mund të ketë një nisje të re.
