sophiabartolii/ Pinterest

Në një kohë kur inflacioni është i lartë dhe çmimet në supermarkete s’duken fare "miqësore", gratë (apo burrat) që dinë të kursejnë kanë disa zakone të thjeshta që i ndihmojnë të mos dalin nga buxheti. Mund t'i quani "kurnacë", ama nuk bëhet fjalë për sakrifica ekstreme, por për zgjedhje të vogla e të mençura që me kohën bëjnë diferencën.

Më poshtë janë 11 zakone të vogla që ndjekin kursimtarët në supermarket – dhe që u kursejnë më shumë lekë se ç'mund ta mendosh.

1. Blejnë vetëm produktet në ofertë

Nëse nuk është në ofertë, nuk hyn në shportë. Kursimtarët ndjekin me kujdes uljet, përdorin karta klienti, kupona ose aplikacione që tregojnë ofertat më të fundit. Truku është të mos blesh diçka vetëm sepse është në ulje, por edhe sepse të duhet.

2. Blejnë produkte bazë në sasi të mëdha

Miell, makarona, letër higjienike, detergjent – të gjitha këto mund të blihen njëherësh në sasi të mëdha. Jo vetëm që janë më lirë për njësi, por shmang edhe blerjet impulsive të “më ka marrë malli për një tortë” sapo futesh në dyqan.

3. Nuk hyjnë kurrë në supermarket pa listë

Lista e blerjeve është shpëtim! Kursimtarët planifikojnë vaktet dhe blejnë fiks çfarë u duhet. Nëse hyn në supermarket pa plan, rrezikon të dalësh me 3 lëngje, 1 krem për duar dhe pa bukën që kishe shkuar për të blerë.

4. Bëjnë blerje online

Blerja online ndihmon të kontrollosh më mirë shpenzimet dhe të mos tundohesh nga raftet plot me produkte që s’të duhen. Nëse je nga ata njerëz që s’kanë vetëkontroll përballë çokollatave pranë arkës, ky është shpëtimi yt.

5. Bëjnë planifikime bazuar në çfarë kanë në frigorifer

Përpara se të shkojnë në dyqan, kursimtarët hapin frigoriferin dhe dollapin e ushqimeve. Nëse ka fasule apo mish të ngrirë që mund të përdoret, e përfshijnë në menunë e javës. Zero shpërdorim, më shumë kursim.

6. Përzgjedhin markat e supermarketit

Produktet e supermarketëve të lagjes shpesh janë po aq të mira sa ato “VIP”, por me çmim më të ulët. Kursimtarët testojnë dhe gjejnë produkte që i kënaqin pa paguar më shumë vetëm për logon e supermarketit.

7. Bëjnë blerje vetëm (pa fëmijë apo partnerët vërdallë)

Të blesh i/e pashoqëruar do të thotë më pak tundime. Nuk ke dikë që të lutet për një pako biskota ekstra ose të të fusë fshehurazi një ëmbëlsirë në shportë. Plus, kursen kohë dhe nerva.

8. Marrin produkte sezonale

Frutat dhe perimet sezonale janë më të lira, më të freskëta dhe më të shijshme. Kursimtarët i bazojnë recetat sipas asaj që është në stinë – mollë në vjeshtë, qershi në verë, kunguj në vjeshtë. E thjeshtë dhe efikase.

9. Kurrë, po kurrë, nuk bëjnë blerje kur kanë uri

Nëse shkon në supermarket i/e uritur, do të blesh sikur je në “The Hunger Games”. Kursimtarët hanë diçka para se të shkojnë për blerje ose marrin me vete një snack të vogël – për të shmangur vendimet që të bëjnë të pendohesh sapo futesh në shtëpi.

10. Paguajnë me para në dorë

Kur ke një shumë të caktuar lekësh në dorë, e di saktësisht se sa mund të shpenzosh. S’mund ta kalosh buxhetin edhe po të duash. Me kartën, është shumë e lehtë të shtosh edhe “atë çokollatën e vogël” që pastaj shndërrohet në 20 mijë lekë ekstra.

_{Burimi: Your Tango}