Në Paris po zhvillohet ende Java e Modës. Ndërsa kemi parë sfilatat e shtëpive më të rëndësishme të modës, një koleksion i shumëpritur ishte ai i Givenchy. Ngjyrat më të përdorura tek veshjet ishin e bardha dhe e zeza. Nuk mungonin detajet prej qëndismash dhe tyli. Ricardo Tisci krijoi kontrast, pasi kombinoi ato me çizme të gjata lëkure për një pamje më rock.
Ndër modelet e famshme që parakaluan me veshjete Givechy ishin Rosie Huntington Whiteley dhe Kendall Jenner.
27-vjeçarja Whiteley ka patur një muaj të ngarkuar, pasi ka sfiluar në disa sfilata të rëndësishme dhe gjithashtu ka ndjekur nga rreshtat e parë shumë të tjera.
Një risi në botën e modës ka qënë Kendall Jenner. Kendall, gjysmë-motra e Kim Kardashian, ka shkëlqyer në cilëndo sfilatë dhe është duke krijuar emrin e saj mes modeleve më të famshme në botë.
Nuk mund të mungonte Cara Delevingne. Britanikja, e cila në moshën 21-vjeçare ka shumë eksperiencë në pasarelë, është duke ngjitur gjithmonë e më lart shkallët e karrierës.
Ndër të ftuarit kryesorë ishin Kim Kardashian, bashkëshorti i saj Kanye West dhe vajza e tyre 1-vjeçare, North. Ata janë miq të ngushtë të stilistit kryesor të Givenchy, por erdhën edhe për të mbështetur Kendall-in. Kim e ka Givenchy-n shtëpinë e preferuar të modës. Madje edhe fustani i dasmës mban firmën e Tisci-t.
Nuk mungonte këngëtarja Ciara, e cila ka sjellë në jetë fëmijën e saj vetëm para 4 muajsh.
Burimi: Daily Mail
#showbiz
