Ky vit elektoral pati prurje të reja në moshë dhe emra në listat e deputetëve. Ndër to, tre deputete në Kuvend janë nën 25 vjeç. Dy kanë dalë nga listat e LSI në Tiranën dhe një nga listat e PDIU në Dibër.
Kejdi Mehmetaj, 24 vjeç. Kandidoi në Tiranën nën siglën e LSI. Ajo ka qenë pjesë e parlamentit që prej 2013, kur zuri vendin e Klajda Gjoshës, e cila hoqi dorë nga mandati i saj kur zuri postin e ministres. Ajo është anagazhuar në skenën politike që në moshën 15 vjeç në Lëvizjen Rinore për Integrim Kejdi frymëzohet dhe udhëhiqet nga Monika Kryemadhi.
Reme Lala, 22 vjeç, lindur në Dibër dhe përfaqësuese e dibranëve në Kuvend, nën siglën e PDIU. Ajo është ende studente në degën Financë, në një universitet privat dhe më herët ishte aktiviste në Klubin Patriotët e Rinj. Pasi fitoi mandatin, ajo deklaroi se nuk ka asnjë parti dhe se bashkë me Edi Ramën do të bëjë rrugën e Arbrit. Nëse kjo nuk ndodh, Reme tha se do të djegë mandatin.
Floida Kërpaçi, 23 vjeç. Ajo e fitoi mandatin e saj në qarkun e Tiranës në listat e LSI. Në 2016-n Floida u zgjodh kryetare e Lëvizjes Rinore për Integrim.
