Franca është blinduar plotësisht nga trupat e armatosur. Ky kontroll i rreptë i autoriteteve është shtuar edhe për shkak të zhvillimit të Euro 2016 në këtë vend. Deri tani janë angazhuar 110mijë forca, ku 77 mijë janë policë, 10mijë forca ushtarake, 1 mijë vullnetarë dhe 13mijë nga xhandarmëria franceze.
Në çdo zonë të Francës hasen forcat e policisë, kryesisht në zonat e stadiumeve ku do të zhvillohen së shpejti ndeshjet. Qeveria franceze ka marrë masat e njejta që merren kur vendi është në gjëndje emergjence dhe kjo gjë do të zgjasë deri në përfundimin e Europianit. Ndërkohë që pritet të ketë 2.5 milionë spektatorë gjatë ndeshjeve të këtij viti, autoritetet po kujdesen të kenë nën kontroll çdo gjë për të shmangur një tjetër sulm terrorist.
Shfletoni galerinë
Burimi: BalkanWeb/ Përshtati: Mikaela Brokëri
