Ka shumë fjali të hidhura që thuhen pa menduar (ose të mirëmenduara) që lënë gjurmë e plagë në jetën e njerëzve. Ato mund të dalin nga goja e prindërve, partnerëve, fëmijëve, apo e çdokujt që gëzon fuqinë të na lëndojë. Dje pyetëm ndjekësit tanë në Instagram dhe ata ndanë me ne fjalinë më të hidhur që u ka thënë dikush:
“Jam penduar që të kam sjellë në jetë” dhe “Të mos të të kisha bërë, do isha më rehat”. Unë jam fëmija i tretë”.
“Nga babi: Je zhgënjimi më i madh për mua”.
“Ajo është më e mirë se ti”, nga ish-partneri, i cili më kishte tradhtuar disa herë dhe më tha këto fjalë pasi reagova furishëm”.
“Mami më ka thënë: “Kushedi ku do isha po të mos të të kisha ty” në konotacion negativ”.
“Kur sapo kisha lindur vajzën, isha ende lehonë, vjehrra më tha: “Kjo është vajza ime, ti thjesht e linde. E solli Zoti për mua dhe unë do e marr”.
“Mjerë fëmija për nënë që do të ketë”, kur isha shtatzënë dhe në gjendje të keqe shëndetësore”.
“Mos u mërzit, ndoshta në vizitën tjetër të thonë që është djalë”, ndërkohë që ne ishim të lumtur me vajzë”.
“Ish-i më tha që i vinte turp t’u tregonte njerëzve se si ishte njohur me mua. U njohëm në Instagram”.
“Babi më ka thënë: “Je e vdekur për mua” dhe s’më ka folur për 4 muaj pasi mora vendimin të largohesha nga Shqipëria”.
“Unë jam vajza e pestë e familjes dhe nuk kam vëlla. Gjyshja më tha: “Ta dija se ishe vajzë, do të të mbysja në bark”. Kam trauma sa herë e shoh gjyshen”.
“Pasi tentova vetëvrasjen, babi më thoshte: “Ti je e çmendur, duhet të të çojmë në spital psikiatrik”.
“Mamaja që kur isha e vogël, në shkollë fillore më thoshte: “k*rvë”, “b*shtër”, ose më mallkonte: “Vdeksh!”, “Mos të zëntë mëngjesi”. Lëndime dhe tortura emocionale më e tmerrshme për një fëmijë”.
“Ime më më uroi të më zinte kanceri dhe të mos më gjenin as varrin. E gjitha kjo, sepse s’kam mundësi ekonomike t’i dhuroj jetën që do ajo. Jo të gjithë janë prindër se të kanë dhënë jetën”.
“Babi, xheloz për arritjet e mia, më tha që jam rritur në detyrë se jam dashnorja e ndonjë drejtori”.
“Mami më thoshte të mos dilja nga shtëpia, sepse isha mbipeshë dhe ishte turp të më shihnin të tjerët”.
“Të mora nga hiçi” më tha im shoq!”.
“Do më detyrosh të vras veten”, mami, sa herë i dal kundër për ndonjë gjë”.
“Kur i thashë ish-të fejuarit që jam shtatzënë, më tha: “S’je me mua, s’është i imi”, ndërsa vjehrra më tha: “Qyqja, larg qoftë!”.
“Nëse do të kisha shanse me atë, mendon se do isha me ty?”.
“Mami: Kur s’të ka dashur babi, nuk do të të dojë njeri (na ka braktisur babi)”.
Të tjerat i gjeni në Instastory në llogarinë e Anabel në Instagram.
