Vokalisti i grupit Black Sabbath, Ozzy Osbourne, ndërroi jetë si pasojë e një sulmi në zemër, sipas certifikatës së vdekjes të dorëzuar nga vajza e tij, Aimée Osbourne, në një zyrë regjistri në Londër.
Në certifikatë thuhet se shkaku ishte “ndalim kardiak”, si dhe “sëmundja e arterieve koronare dhe sëmundja e Parkinsonit me çrregullime autonome”.
Legjenda e heavy metal-it ndërroi jetë më 22 korrik, në moshën 76-vjeçare, sipas deklaratës së familjes.
“Me një trishtim që fjalët nuk mund ta përshkruajnë, njoftojmë se Ozzy Osbourne i dashur për ne është ndarë nga jeta këtë mëngjes,” thuhej në deklaratë, duke shtuar: “Ai ishte me familjen e tij dhe i rrethuar nga dashuria. Ju lutemi të gjithë të respektojnë privatësinë e familjes sonë në këtë moment.”
Disa javë para vdekjes, ylli legjendar performoi në një koncert lamtumire me Black Sabbath. Grupi heavy metal publikoi një homazh për të më 22 korrik në Instagram, ku krahas një fotoje të artistit duke performuar, u shprehën: “Ozzy përjetë.”
Legjenda e rock-ut la pas gruan e tij, Sharon Osbourne, dhe fëmijët Aimée, Kelly dhe Jack.
Ai ishte gjithashtu baba i Jessica, Elliot dhe Louis Osbourne, nga martesa me ish-bashkëshorten Thelma Riley.
-
-
-
-
-
-
Ndërron jetë legjenda e heavy metal, Ozzy Osbourne
22 Korrik, 20:26
