E di që jeni të gatshëm të listoni menjëherë disa nga gjërat që urreni kur shkoni te parukierja, por këtë herë jemi për të folur për ju. Margò, adiminstratorja e @anabel.entertainment në Instagram, pyeti në lidhje me gjërat që klientët bëjnë ose thonë, të cilat parukiereve nuk u pëlqejnë fare.
“Më bezdisin kur bëjnë shumë muhabet. E kuptoj që nuk do rrinë pa folur, por kur teprohet, kthehet në bezdisëse dhe të shpërqëndrojnë nga puna.”
“Mundohen të bëjnë korrigjime pa përfunduar ende puna.”
“Kur shajnë parukieret e tjera. Dëgjo zonjë, nuk dukesh bukur kur flet keq për dikë dhe mbi të gjitha, nuk më intereson.”
“Veprimi më bezdisës për mua është kur lëvizin. Nuk e kuptojnë që kam gërshërë në duar?!”
“Një ndër gjërat që nuk më pëlqen është kur mërziten ose bëjnë ironi me faktin që nuk i postoj fotot e tyre në Instagram. E kuptoj që mund të mendojnë se nuk pëlqej ato ose nuk më pëlqen puna që kam bërë, por sinqerisht kam zgjedhur t’i bëj postimet sipas një rendi të caktuar. Pra, postoj vetëm disa modele prerjesh dhe disa lloje lyerjesh për flokët, por kjo nuk do të thotë se kam diçka personale me to.”
“Vonesat! Janë të tmerrshme dhe shkaktojnë një kaos në punë, sidomos me klientët e tjerë.”
“Gjithçka mund ta toleroj, përveç komunikimit.”
“Kur jam duke u larë kokën dhe lëvizin vazhdimisht, ndonëse u kam thënë si të qëndrojnë. Kulmi është kur qëndrojnë në telefon dhe ngrenë kokën çdo minutë.”
Rilexohemi me një tjetër listë, këtë herë me pakënaqësitë e klienteve. ;)
Artikuj të rekomanduar:
- 15+ shqiptarë tregojnë dhuratat më të çuditshme që kanë marrë për Shën Valentin
- Njerëzit listojnë 75+ fjalë që tingëllojnë kaq bukur në shqip
- 10+ shqiptarë tregojnë me foto: Çfarë porosit vs çfarë të vjen
- Pyetëm ndjekësit për dhuratat më të çuditshme që kanë marrë dhe ja si u përgjigjën
- 25+ shqiptarë tregojnë çfarë nuk ia thanë kurrë ish-të dashurit/ës
