Një filxhan kafe në mëngjes është domosdoshmëri për shumë nga ne që duan ta nisin ditën me gjallëri. Sasi të moderuara të kafeinës si rreth tre filxhanë kafe ose çaj në ditë do të thotë një rrezik më i ulët i problemeve me zemrës, sipas mjekut Chaofu Ke, profesor në “Soochow University” në Suzhou, Kinë.
Multimorbiditeti kardiometabolik është bashkëjetesa e të paktën dy sëmundjeve kardiometabolike si sëmundja koronare e zemrës, goditja në tru dhe diabeti i tipit 2.
"Konsumimi i kafesë dhe kafeinës mund të luajë rol të rëndësishëm mbrojtës në pothuajse të gjitha fazat e zhvillimit të kësaj sëmundjeje," thotë Ke.
Studiuesit analizuan të dhënat nga rreth 180 mijë njerëz në Mbretërinë e Bashkuar. Nga rezultatet treguan se konsumatorët e moderuar të kafeinës kishin rrezik të ulët të shfaqjes së sëmundjeve të zemrës. Rreziku zvogëlohej me 48.1% nëse merrnin tre filxhanë në ditë, ose 40.7% nëse merrnin 200 deri në 300 miligramë kafeinë në ditë, krahasuar me njerëzit që nuk pinin ose pinin më pak se një filxhan kafe.
“Këto vëzhgime shtojnë numrin e provave se kafeina dhe substancat natyrale të konsumuara që përmbajnë kafeinë si çaji dhe kafeja, mund të përmirësojnë shëndetin kardiovaskular,” përfundoi mjeku.
Artikuj të sugjeruar:
Burimi: CNN
