Një terapi e re për kancerin e gjirit premton të shkatërrojë tumoret brenda trupit dhe është duke u zhvilluar në Wroclaw në Poloni. Teknologjia – e cila mund të eleminojë nevojën për një operacion të dhimshëm – fitoi çmimin më të lartë në Innovation Radar.

Innovation Radar (Radari i Inovacionit) është një nismë e Komisionit Europian që identifikon inovacione me potencial të lartë dhe projekte kërkimore të cilat financohen më pas nga Bashkimi Europian. Terapia njihet me emrin Nanocargo dhe përfshin injektimin e nano-grimcave direkt e në tumor.

"Terapia ekzistuese e kancerit nuk synon diçka specifike, ilaçet shkojnë kudo në trup. Qasja jonë është shumë specifike, e shënjestruar dhe synon vetëm tumorin, jo pjesët e tjera të trupit," shpjegoi Dr. Nanasaheb Thorat, një nga krijuesit e Nanocargo. "Çmimi më jep një mundësi të shkëlqyer për të transferuar shkencën themelore, ose idetë e mia, në teknologjitë e botës reale."

Për momentin, ekipi është duke punuar në laborator, për të përcaktuar dozën perfekte të Nanocargo për të trajtuar lloje të ndryshme të tumoreve dhe për të minimizuar efektet anësore përpara se të kalohet te provat klinike.

Burimet: European Commission, Innovation Radar EU, Euronews