Emma Sulkowicz, studentja e Universitetit të Kolumbias, ka çuar deri në fund protestën e saj të nisur gati një vit më parë, duke e marrë dyshekun e krevatit edhe në ceremoninë e diplomimit.
Sulkowitz pretendon se është përdhunuar nga një student i shkollës dhe edhe pse e ka denoncuar një gjë të tillë, shkolla nuk ka marrë asnjë masë ndaj tij. Prej kësaj kohe, në formë proteste, vajza lëviz nëpër kampus dhe shkollë me dyshekun me vete dhe ka thënë se do ta bëjë një gjë të tillë derisa agresori i saj të vazhdojë të qëndrojë në kampus.
“Mund të duhet një ditë e vetme ose deri në diplomimin tim,” ka thënë Emma. Ndonëse ka pasur spekulime nëse ajo do të lejohej të merrte dyshekun në diplomim, “The Daily Beast” ka raportuar se ajo është lejuar.
Burimi: The New York Magazine
