Një ngjarje e rëndë ka tronditur Italinë por dhe vendin tonë ditën e sotme. Një 15-vjeçar shqiptar, i cili prej vitesh jetonte në qytetin Italian të Brescia-s, ka vendosur t’i japë fund jetës. Por, ajo që ka tronditur banorët dhe arsyeja përse shqiptari ka marrë këtë vendim.
Sipas gazetës lokale të këtij qyteti, adoleshenti ditën e djeshme është hedhur nga tarraca e shenjtores “Madonna del Castello” pasi një vajzë e kishte hequr nga lista e miqve në Facebook. Ky është i vetmi motiv që japin edhe autoritetet italiane. Djali pak para se të hidhet nga tarraca ka bërë një fotografi, të cilën më pas e ka postuar në Instagram. Në të ai kishte shkruar datën e lindjes dhe datën në të cilën u vetëhodh.
Familjarët janë të shokuar nga ky veprim i djalit të tyre 15-vjeçar dhe janë në gjendje të rëndë psikologjike.
Burimi: Giornale di Brescia
