Një zjarr i përmasave të mëdha ka rënë në një pyll të Portugalisë dhe deri më tani, u ka marrë jetën rreth 25 personave. Shumica kanë humbur jetën teksa përpiqeshin t’u shpëtonin flakëve, në zonën e Pedrógão Grande. Ndërkohë, zjarrëfikësit bëjnë me dije se rreth 20 veta janë të plagosur rëndë.
Ngjarjen e rëndë, kryeministri i vendit e ka quajtur si tragjedinë me përmasa më të mëdha të ndodhura vitet e fundit. Gjithashtu, pritet që numri i viktimave të rritet.
Sipas BBC, 3 veta kanë gjetur vdekjen nga bllokimi i frymëmarrjes prej tymit të flakëve e ndërsa 16 të tjerë kanë qenë në makinat e tyre dhe nuk kanë mundur t’ja dalin. Për zjarret që ka përfshirë pyjet, janë dashur rreth 1700 zjarrëfikës, të cilët rrezikuan jeten për ta shuar atë, ndonse shpejtësia e përhapjes ishte shumë e madhe. Ndërkohë autoritetet portugeze po hetojnë për shkaqet të cilat nuk dihen ende.
