Foto: Meryl Streep si Miranda Priestly në "The Devil Wears Prada"

Nuk është sekret që mënyra si njerëzit kalojnë kohën dhe çfarë aftësish zhvillojnë lidhet ngushtë me situatën e tyre financiare. Një studim nga Harvard Business School tregon se njerëzit me më shumë të ardhura jo vetëm që kanë më shumë kohë të lirë, por edhe kanë luksin të fokusohen te vetja, në aftësi që u shtojnë vlerë jetës, punës dhe marrëdhënieve.

Nëse synon të kalosh nga "gjithmonë me minus" tek "e dua në të gjitha ngjyrat", këto janë 11 aftësi që njerëzit me para kultivojnë ndërkohë që pjesa tjetër shpesh i anashkalon:

1. Investimi

Jo vetëm në aksione apo pasuri të paluajtshme, por edhe në kohë për hobit, edukimin dhe idetë personale. Të pasurit nuk mendojnë si të kursejnë për muajin tjetër, por si të rrisin vlerën afatgjatë të asaj që kanë sot.

2. Të folurit në publik

Të flasësh para të tjerëve është superfuqi. Të pasurit mësojnë si të udhëheqin, të prezantojnë veten dhe idetë e tyre me vetëbesim, sepse e dinë që kjo i vendos në qendër të çdo dhome ku hyjnë.

3. Planifikimi i së ardhmes

Tabela vizioni, objektiva konkrete, strategji. Të pasurit e ndërtojnë jetën si një projekt personal. Ndërsa pjesa tjetër shpesh përpiqet thjesht të mbijetojë nga java në javë.

4. Leximi i rregullt

88% e të pasurve lexojnë të paktën 30 minuta në ditë. Jo sepse kanë domosdoshmërisht kohë, por sepse e kuptojnë që çdo faqe mund të jetë një mundësi e re për rritje personale.

5. Të përgatitesh çdo ditë (edhe kur s’ke takime)

Nuk bëhet fjalë për make-up apo veshje të shtrenjta, por për të bërë veten gati për ditën. Edhe në fundjavë. Të pasurit dinë që energjia fillon nga pasqyra.

6. Vetëdisiplina

Nuk presin të ndihen të motivuar, e bëjnë edhe kur "nuk u vjen". Ajo që i veçon është aftësia për të përfunduar gjërat, jo thjesht për t’i nisur.

7. Ndjeshmëria sociale dhe botëkuptimi

Ata lexojnë lajmet, ndjekin çfarë ndodh në botë dhe janë të vetëdijshëm për privilegjet e tyre. Sepse informacioni është pushtet. Dhe ata nuk e marrin këtë pushtet të mirëqenë.

8. Edukimi financiar

Të kuptosh si funksionon paraja, nga kursimi te shpenzimet inteligjente, është thelbësore. Të pasurit mësojnë si ta bëjnë paranë të punojë për ta, jo anasjelltas.

9. Të jetuarit brenda mundësive

Nuk kanë nevojë të tregojnë që janë të pasur, sepse janë. Ndërsa shumë nga klasa e mesme rrezikojnë qëbdrueshmërinë financiar për të ruajtur “pamjen” e tyre.

10. Networking-u (kontakti me njerëzit e duhur)

Çështja nuk është thjesht kush je, por kë njeh. Të pasurit janë gjithmonë në lëvizje, në evente, darka, prezantime. Dhe dinë si t’i përdorin lidhjet si aset.

_{Burimi: Your Tango}