Pjesa më e bezdisshme pas përfundimit të festave është heqja e pemës, moment të cilin ne e shtyjmë sa më shumë të mundemi.
Por, a ka një kohë “të saktë” për ta hequr pemën e Krishtlindjes? Sipas një tradite fetare, po.
Pavarësisht nëse jeni të përpiktë me rregullat, pak supersticiozë apo thjesht kuriozë për zakonet e vjetra, ja cila është dita zyrtare kur duhet t’i thoni lamtumirë bredhit festiv.
Kur përfundon zyrtarisht Krishtlindja?
Edhe pse 25 dhjetori është dita kur miliona familje në mbarë botën festojnë Krishtlindjen, tradita e krishterë thotë se festa zgjat deri në Epifani, e cila festohet nga shumë besimtarë më 6 janar plot 12 ditë pas Krishtlindjes.
Kjo festë fetare njihet edhe si “Dita e Tre Mbretërve”, pasi përkujton vizitën e Magëve, kur tre të Urtët sollën dhurata për foshnjën Jezus. Kjo ditë shënon edhe fillimin e “kohës së Epifanisë” në kalendarin kishtar.
Kur duhet ta hiqni pemën e Krishtlindjes?
Meqë Nata e Dymbëdhjetë ose Epifania shënon fundin zyrtar të festave sipas traditës, pikërisht atëherë duhet të hiqen zbukurimet sezonale.
Disa madje besojnë se nëse e mbani pemën shumë gjatë pas përfundimit të sezonit festiv, mund t’ju sjellë fat të keq.
