Instagram/Katy Perry

Katy Perry u ngjit përsëri në skenë pas ndarjes me Orlando Bloom dhe u përpoq t’i fshihte lotët, duke falënderuar vazhdimisht fansat e saj që janë pranë saj.

"Do të thotë gjithçka për mua," tha ajo pak para se të fillonte të këndonte "Firework" në Adelaide të Australisë, të mërkurën, më 2 korrik.

Në videon e bërë virale, këngëtarja shfaqet e përlotur, dukshëm e lënduar nga ndarja, por mirënjohëse ndaj dashurisë së fansave.

Njëkohësisht, Orlando Bloom, pasi u argëtua në dasmën e Jeff Bezos, bëri një postim në Instagram Stories rreth fillimeve të reja dhe hapit të parë që duhet të hedhim për të kapërcyer situatat e vështira në jetë.

Çifti ishin bashkë për më shumë se 7 vjet dhe kanë një vajzë, Daisy. Aktori është gjithashtu baba i një djali nga martesa e tij me Miranda Kerr.

Thashethemet për ndarjen e Perry-t dhe Bloom u përhapët pas udhëtimit të këngëtares në hapësirë ​​me bashkëshorten e Jeff Bezos, Lauren Sánchez. 

"Ai i tha asaj se e gjithë kjo i dukej qesharake", tha një burim anonim pranë çiftit për Daily Mail.

"Ajo shpresonte që ai do të ishte më mbështetës dhe, sigurisht, u lëndua. Imagjinoni të udhëtoni në hapësirë ​​dhe partneri juaj të mos entuziazmohet nga kjo". 

Megjithatë, kjo nuk është hera e parë që çifti është ndarë. Një ndarje tjetër i kishte paraprirë kësaj të fundit, në vitin 2017, e por dyshja u ribashkua në  vitin 2019 dhe u fejuan në Ditën e Shën Valentinit. 

Mediat rapotojnë se gjatë kësaj periudhe të vështirë, këngëtarja është fokusuar tërësisht te  vajza e saj 4-vjeçare , të cilën madje e ka marrë në turneun e saj.