Aktori Anastas Kristofori është ndarë nga jeta në moshën 78-vjecare.
Aktori, i cili është vlerësuar me titullin e lartë “Artist i Merituar” për meritat artistike, ishte i njohur për interpretimet në skenën e teatrit dhe rolet në prodhime të njohura kinematografike.
Disa nga interpretimet më të njohura në teatër janë zoti Dëllfi në dramën “Arturo Ui”, sekretari i Prefektit në komedinë “Prefekti”, Apostoli në dramën “Komunistët”, Perikliu në komedinë “Pallati 176” e shumë të tjerë.
Përpos teatrit, aktori u shfaq në shumë filma, si “Lulëkuqet mbi mure”, “Besa e kuqe”, “Misioni përtej detit”, "Kush vdes në këmbë", "Stolat në park", "Ditët që sollën pranverën" etj.
Roli i fundit ishte roli i Perikliut në “Po vjen Ai”, një vazhdim televiziv i komedisë “Pallati 176”.
