Aktorja dhe ish-bashkëshortja e kryeministrit Rama, Matilda Makoçi, e rikthyer rishtas në vëmendjen e publikut shqiptar falë një ekspozite, si rrallëherë u rrëfye në një intervistë për emisionin “Exclusive” për jetën e saj private.
Për herë të parë, ajo tregoi se arsyeja e shkëputjes nga aktrimi, ishte lindja e djalit të saj, Gregorit. “Isha shtatzënë dhe pas lindjes nuk arrita që t’i kthehesha rolit. Kam qenë e angazhuar me punë shtëpiake, sepse kështu i kisha kushtet.”- u shpreh Makoçi e cila mungon në skenën shqiptare prej 27 vitesh. “Deri para 2-3 viteve që është shkëputur dhe ka dalë më vete, kam qenë e preokupuar me Gregorin.”- tha ajo duke rrëfyer se nuk i pëlqen fakti që djali i saj dhe i kryeministrit tashmë jeton vetëm, duke shtuar se megjithatë nuk ia prish dot këtë dëshirë.
Përsa i përket marrëdhënies me ish-bashkëshortin Rama, ajo shprehet se nuk ruan më marrëdhënie me të. “Nuk kam marrëdhënie, por kam respekt për përpjekjet që bën dhe shoh që të gjithë njerëzit e duan.
Burmi: Revista Who
