Edlira Çepani, e ftuar te “Goca & Gra” foli për faktin se u përfol si kandidate e bashkisë së Tiranës, me sugjerim të opozitës. Ajo rrëfeu se ka ishte një surprizë e beftë dhe e bukur:
“Nuk e kisha konsideruar më parë. Kam disa vite që merrem me politikë, duke punuar me vajza dhe gra nga forcat politike, por vetë nuk e kisha menduar. Ishte një surprizë e bukur dhe e vlerësova që më propozuan. Kam përshtypjen se kjo ishte një shtysë nga njerëzit që mbështesin emrin tim”.
Edlira shtoi gjithashtu se e pa mundësinë si vazhdimësinë e vizionit të Gert Bogdanit, bashkëshortit të saj të ndjerë.
“E pashë këtë edhe si një realizim të vizionit të Gertit për bashkinë e Tiranës. I kam dhënë një premtim kur jeta na ndau në mënyrë të padrejtë, që do ta vazhdoj misionin e tij. Ai do të më kishte mbështetur nëse do të kandidoja”.
View this post on Instagram
Ish-deputeti i Partisë Demokratike, Gert Bogdani, u nda nga jeta në shtator të vitit të kaluar. Lajmi u konfirmuar edhe nga ministria e Shëndetësisë, e cila bëri me dije se ai kishte pësuar një arrest kardiak ndërsa ishte duke pirë kafe. Ai u dërgua në spital në gjendje të rënde shëndetësore, ku edhe ndërroi jetë.
