Në një rubrikë pyetjesh dhe përgjigjesh në Instagram, moderatorja Fatma Haxhialiu, u pyet nga një ndjekës:
“Je përballur me ‘bërryla’ në karrierën tënde, ndoshta dhe tani vonë kur ke krijuar një bazë?”
Përgjigjja e Fatmës ishte aq e sinqertë dhe zen sa mund të shërbejë si manual për këdo që ndodhet përballë njerëzve dhe situatave toksike:
“Jam përballur,” shkroi Fatma.
“Disa i kam dramatizuar kot, disa kam menduar se kanë qenë ‘bërryla’, por s’më ka pasur njeri në refene (llogari) hiç. Ca kanë qenë të dhimbshme dhe kam marrë kohën time për t’u shëruar, të tjera kanë ardhur rrugës dhe i kam injoruar. Por ajo që kam mësuar me kalimin e kohës është se atje lart, dikush po të jep mesazhe. Kur ti nuk di t’i lexosh, ai të jep ca mësime të mira që t'i thërrasësh mendjes dhe të largohesh nga njerëzit dhe vendet që nuk të vlerësojnë e nuk të meritojnë!”
Moderatorja shtoi se kur shikon “kuadrin e madh” në jetë, kupton pse disa gjëra nuk janë bërë dhe pse disa njerëz duhej të largoheshin nga rruga jote.
“Tani jam në fazën që di kush jam, çfarë kam dhe çfarë dua. Nuk i shikoj më si bërryla, por si mënyra mbijetese, reagime të traumave që këta njerëz kanë përjetuar, pasiguritë e tyre etj. Kjo është natyra njerëzore,” vijoi ajo.
Fatma tha se nuk i mbetet më hatri me askënd:
“Mjafton të më ecë tymi im drejt dhe kaq. Nuk kam më nerva dhe energji për drama e idiotësira të vogla. The një fjalë të keqe? Mirë, ishalla je shëruar. U mundove të më prishësh punë? Është Ai lart që ta kthen përgjigjen për mua.”
Ajo e mbyll me një këshillë që tingëllon si një leksion i vogël jete:
“Nuk ka receta për të arritur deri këtu. Është me moshë e me stade. Duhet t’i kaloni të gjitha që të jeni ZEN pastaj e mos t’ju plasë m*nderja për asnjë e për asgjë. Ore se duhen ca kështu në jetë, se ndryshe çfarë do broçkollisnim?” përmbylli ajo me humor.
-
-
-
Deklaratat më *thumbuese* të Aulonës dhe Fatmës në "The Dalina Show"
24 Qershor, 22:52
