UPDATE:
Ibrahim Basha 31-vjeç është efektivi i forcave RENEA që ka gjetur vdekjen mëngjesin e sotëm gjatë përleshjes me armë zjarri në fshatin Lazarat në Gjirokastër. Mësohet se efektivi i RENEA-s, i cili ka qënë i angazhuar në shumë misone të tjera jashtë vendit në Irak e Afganistan është qwlluar nga dritarja e një shtëpie në Lazarat bashkë me dy efektivët, Perlat Hamitaj dhe Jetmir Isaraj. Këta të fundit janë dërguar menjëherë me helikopter në Spitalin Ushtarak për të trajtuar plagët e marra nga përleshja.
Aktualisht forcat RENEA kanë rrethuar fshatin Lazarat dhe pritet urdhëri për ndërhyrjen e tyre.
---
Një efektiv i forcave speciale RENEA ka humbur jetën dhe dy të tjerë kanë mbetur të plagosur gjatë një përleshjeje me armë zjarri në Lazarat.
Lajmi konfirmohet nga Policia e Gjirokastrës. Dyshohet se grupi i Forcave Speciale ka rënë nën një breshëri të rëndë zjarri, pikërisht në momentin kur ka ndërmarrë operacionin për të lokalizuar dhe arrestuar grupin pas raportimeve për të shtëna me armë zjarri gjatë natës.
Dy efektivët e plagosur janë shoqëruar drejt spitalit të Gjirokastrës. Raportohet se njëri prej tyre është në gjendje të rëndë.
Burimi: Top Channel
