Foto: Various Shorts/ X

Edhe zakonet më të thjeshta në rutinën tënde të përditshme mund të ndikojnë në mënyrë surprizuese në aromën që lëshon trupi yt. Një studim tregon se njerëzit lidhin pa dashje mendimet e tyre negative me aromat jo të këndshme, qoftë në punë apo në shoqëri. Për të qëndruar gjithmonë në formë dhe për të shmangur këto situata, duhet të kujdesesh për higjienën personale në mënyrë të qëndrueshme.

Përveç dushit të rregullt, menaxhimit të stresit dhe ujit të mjaftueshëm, duhet të shmangësh edhe disa gabime që janë më të fshehta, por shumë të rëndësishme:

Veshja e rrobave të lagura

Nëse i vesh rrobat pa u harë mirë, i jep baktereve terren të përshtatshëm për t’u zhvilluar, duke krijuar erën e keqe.

Mospërdorimi i fijeve dentare

Thjesht larja e dhëmbëve nuk mjafton. Fijet dentare largojnë mbetjet që shkaktojnë erë të keqe nga goja.

Gjumi në çarçafë të palarë

Për shumë veta, larja e çarçafëve është e rrallë, por mospastrimi i tyre favorizon bakteret që shkaktojnë aromë dhe probleme me lëkurën.

Mospastrimi pas stërvitjes

Djersa nuk ka aromë, por bakteret që zhvillohen në kontakt me të po. Një dush i shpejtë pas palestrës është i domosdoshëm.

Mbështetja vetëm te parfumi

Parfumi është vetëm maskim, jo zgjidhje. Ai mund të përforcojë erën nëse nuk ke larë mirë trupin.

Mospastrimi i të gjithë trupit

Nuk mjafton vetëm larja e duarve apo fytyrës; edhe këmbët, sqetullat dhe pjesë të tjera duhet të lahen mirë.

Ripërdorimi i peshqirëve shpesh

Peshqirët që përdoren shpesh, por nuk lahen rregullisht, grumbullojnë baktere që shndërrohen në burim erërash të pakëndshme.

Të mos pirit ujë

Uji ndihmon në eliminimin e toksinave që shkaktojnë erë të keqe. Nëse nuk pi mjaftueshëm, trupi nuk funksionon si duhet.

Veshja e rrobave sintetike

Materialet që nuk lejojnë lëkurën të marrë frymë favorizojnë djersitjen dhe aromat e pakëndshme.

Stresi i vazhdueshëm

Stresi i lartë aktivizon gjëndrat e djersës që prodhojnë aromë më të fortë dhe shpesh të pakëndshme.

Mospastrimi i mjeteve të kujdesit personal

Furçat e make-up-it, prehëset e thonjve dhe peshqirët e përdorur shumë herë pa u larë përbëjnë një burim të madh bakteriash.

Kujdesi ndaj detajeve është çelësi i një pamjeje të pastër dhe të freskët. Një rutinë e mirë dhe e zgjuar higjiene të bën të ndihesh dhe të dukesh më mirë çdo ditë.

_{Burimi: Your Tango}