Foto: @sofiagrainge/ Instagram

Modelja dhe influencerja e njohur, Sofia Richie Grainge, ka bërë një ndryshim rrënjësor në pamjen e saj, duke lënë pas flokët e gjata bjonde që e kanë karakterizuar për një kohë të gjatë, duke prezantuar një transformim të freskët dhe shumë të guximshëm për sezonin e verës, prerjen e shkurtër të stilit “french bob”.

Ky ndryshim i dukshëm dhe i guximshëm ka tërhequr menjëherë vëmendjen e ndjekësve të saj në rrjetet sociale, ku Sofia publikoi pamjet e para të transformimit të theksuar, duke treguar se është gati të provojë një look krejt të ri, më modern dhe më minimalist.

Në postimin e saj të fundit në Instagram, më 21 qershor, Sofia shfaqet në një ambient natyror dhe shumë relaksues, duke veshur një bluzë të zezë të thjeshtë dhe një fund me vija, që nxjerrin në pahpamjen e saj elegante dhe tërheqëse.

Prerja e re, e cila është më e shkurtër se bob-i klasik dhe karakterizohet nga një stil më i lehtë, natyral dhe i sofistikuar, ka sjellë shumë komente pozitive. Ajo është një zgjedhje ideale për ditët e gjata dhe të nxehta të verës.

Përveç fotos kryesore, Sofia publikoi edhe një selfie, ku tregohet më qartë forma e rrumbullakosur dhe voluminoze e flokëve të saj të prerë, duke theksuar më shumë bukurinë e këtij stili që përçon një ndjenjë lirie dhe vetëbesimi. Nëse doje një ndryshim te flokët për të përballuar këtë verë të nxehtë, ja tek e ke!