Jennifer Aniston ka folur hapur për mosdëshirën e saj për të adoptuar një fëmijë, pavarësisht vështirësive që ka hasur me infertilitetin. Ajo u shfaq në një episode të “Armchair Expert” në platformën Wondery+ dhe u shpreh se tanimë nuk mendon më për shtatzëninë.
Jennifer ka folur më parë edhe për sfidat e saj, përfshirë fekondimin in vitro (IVF) dhe për tematikën e adoptimit. Ajo u pyet nga moderatorja Monica Padman, Jen u shpreh:
“Është kaq qetë (në mendjen time). Por, dua të them se vjen një moment kur gjithçka është jashtë kontrollit tim dhe nuk mund të bëj asgjë për këtë. Kur njerëzit më thonë “por ti mund të adoptosh”. Unë nuk dua të adoptoj. Dua ADN-në time tek ai njeriu i vogël. Është egoiste apo jo, sido që të jetë, unë këtë kam dashur”.
Megjithëse Jen shtoi se kjo është diçka për të cilën vërtet nuk do që të flasë, pranoi se ka pasur momente kur ka takuar dikë dhe ka menduar se do të kishin fëmijë të lezetshëm, por theksoi se “kjo ndjesi kalon për 3 sekonda”.
Ylli i “Friends” theksoi se thjesht nuk ishte e shkruar, por gjithsesi, është bëhet emocionale, sidomos në momentin kur dëgjon se “kaq ishte”, sepse ndodh diçka e çuditshme kur e dëgjon këtë shprehje.
Në një intervistë të vitit 2022 për Allure, Jen tha se nuk ka “asnjë pendesë” për mënyrën se si kanë rrjedhur gjërat pas rrugëtimit të saj me fertilitetin “para disa vitesh.”
“Ja ku jam sot. Anija po lundron,” tha Jen, duke nënkuptuar se jeta këtë rrjedhë ka marrë.
“Në fakt ndihem disi e lehtësuar tani, sepse nuk ka më “A mundem? Ndoshta. Ndoshta. Ndoshta”. Nuk kam pse ta mendoj më këtë”, përfundoi ajo.
-
A do të ketë një rikthim të Friends? Përgjigjet Jennifer Aniston
10 Tetor, 10:32 -
-
