Burime të afërta me çiftin i thanë PEOPLE se Bianca Censori nuk ishte e lumtur në martesën e saj, madje disa herë u përpoq të ndahej nga Kanye West.
Një burim pranë reperit tha për PEOPLE:
“Ai ka kaluar një periudhë të vështirë prej vitesh. Kur nuk ndihet në një gjendje të mirë mendore, përpiqet të krijojë shumë drama, të cilat shkaktojnë pasoja që zgjasin. Kur bëhet më mirë, kupton dëmet që i ka shkaktuar familjes, miqve dhe vetes. Ky ndërgjegjësim e bën të ndihet në faj dhe i penduar."
John Monopoly, menaxheri dhe producenti i njohur i Kanye që nga fillimi i viteve ’90, i tha PEOPLE se reperi është më mirë dhe ka filluar të jetë më i përgjegjshëm për gjërat që bën. Sipas tij, për herë të parë pas kaq kohësh Kanye po përpiqet t'i përkushtohet shëndetit mendor dhe ai u shpreh shumë i lumtur për të.
Kanye West, pak ditë më pari foli hapur mbi gjendjen e tij shëndetësore, gjithë dëmet që i ka shkaktuar madje kërkoi falje ndaj kujtdo që kishte lënduar apo zhgënjyer.
Ndër të tjera, në letrën e publikuar ai foli edhe mbi partneren Bianca Censori dhe pasi ajo e kuptoi gjendjen e tij të dy iu drejtuan një qendre rehabilitimi në Zvicër për të trajtuar shqetësimet që ai kishte.
Kanye West dhe Bianca Censori u lidhën në janar të vitit 2023 dhe u martuan në një ceremoni private brenda të njëjtit muaj.
