Ish balerina e cila është trajnere mes të tjerësh dhe e Madonës, thotë se Beyonce ka punuar me muskujt në lëvizje 360 gradëshe dhe jo lineare.
Trupi dukshëm i dobësuar i Beyonce pas performancës së saj në Grammy’s para disa ditësh, u bë objekt diskutimi dhe polemikash.Nicole Winhoffer ka treguar se si këngëtarja 32 vjeçare ka arritur të hollohet kaq shumë pa humbur format e saj.
Ajo ka thënë për Mail Online se “Ti japësh formë muskujve në 360 gradë është e rëndësishme për të ruajtur një siluetë femërore, sesa ushtrimet lineare që bën kur përdor veglat në palestër.”
Kontribut për trupin e ri të këngëtares, ka dhënë pa dyshim dhe dieta vegane 22 ditore, që ajo ka bërë me bashkëshortin e saj Jay-Z, në Dhjetor.
Dieta me bazë bimore, përfshinte ushqime me pak kalori, fruta pylli, perime të freskëta dhe të gjalla dhe humuse të ndryshme.
Winhoffer ka thënë se trupi i Beyonce ka pësuar një ndryshim nga masa muskulore që kishte vitin e kaluar.
“Mund të shohësh një ndryshim të madh nga viti i kaluar. Ajo përfaqëson fuqinë femërore dhe e çliron atë në skenë, trupi i saj është më i lehtë, i zgjatur dhe më e rëndësishmja më femëror.
Gjithashtu ka ruajtur format në vendet e duhura, që është një gjë shumë e rëndësishme. Ky është sekreti për çdo humbjeje në peshë, të dobësohesh ndërkohë që mbeten format.”
Winhoffer, ka bërë të njëjtën gjë me Madonën, të cilën e stërvit prej 5 vitesh. Që kur kanë filluar të punojnë bashkë, trupi i Madonës është bërë më elegant dhe me më pak muskuj.
Burimi: DailyMail
