Aludimet se P.Diddy e ka goditur me shpullë: Reagon e ëma e reperit

Nëna e Sean “Diddy” Combs, Janice Combs, mohoi që reperi ta ketë keqtrajtuar, ndryshe nga ajo që njerëzit panë në dokumentarin e Netflix, “Sean Combs: The Reckoning”, i cili u publikua më 2 dhjetor 2025.

“Po shkruaj këtë deklaratë për të korrigjuar disa nga gënjeshtrat e paraqitura në dokumentarin e Netflix, “Sean Combs: The Reckoning”, i publikuar më 2 dhjetor 2025. Këto pasaktësi, lidhur me rritjen dhe jetën familjare të djalit tim Sean janë bërë qëllimisht për të ngatërruar shikuesit dhe për të dëmtuar më tej reputacionin tonë,” tha Janice, 85 vjeç, në një deklaratë ekskluzive për “Deadline”.

Ajo u shpreh gjithashtu se pretendimet e bashkëthemeluesit të “Bad Boy Records”, Kirk Burrowes, se Sean “goditi” me shpullë të ëmën ndërsa diskutonin për incidentin e vitit 1991, ku 9 persona humbën jetën në “City College”, ishin “krejt të pasakta dhe të rreme”.

“Ajo ishte një ditë shumë e trishtë për të gjithë ne. Përdorimi i kësaj tragjedie për të përfshirë narrativa të rreme, pas përpjekjeve që ka bërë më parë dhe kanë rezultuar të dështuara, si dhe ato aktualet, me qëllim që të marrë atë që nuk i përket (referuar “Bad Boy Records” janë të gabuara, të papranueshme dhe fyese. Po kërkoj që këto shtrembërime, gënjeshtra dhe deklarata të rreme të tërhiqen publikisht”, bëri thirrje e ëma e reperit.

Në dokumentarin “Reckoning,” i prodhuar nga armiku kryesor i Sean, 50 Cent, Burrowes, i cili themeloi “Bad Boy Entertainment” me Diddy-n në fillim të viteve ’90, pretendoi se ishte dëshmitar i momentit kur reperi goditi Janice-n.

“Pashë Janice-n duke e pyetur Sean [rreth së ardhmes së tij]. Ai po hynte në këtë industri. Sapo kishte lënë shkollën dhe ndodhi ajo tragjedi ekstreme,” kujtoi Burrowes, duke shtuar: “Ajo i tha, ‘A more vendimin e duhur?’ Dhe pashë që ai i vuri duart mbi të. E quajti ‘k*rvë dhe e goditi,” pretendoi producenti i muzikës.

Burrowes ka ngritur disa padi ndaj Sean, nënës së tij Janice dhe të tjerëve, duke pretenduar keqtrajtimin seksual, dhunën fizike, mashtrimin financiar dhe një komplot për të marrë pjesën e tij të pronësisë në kompaninë “Bad Boy”.

 
Burrowes pretendon se në vitin 1996, Sean, i cili thuhet se mbante një shkop bejzbolli, e detyroi atë të firmoste për të dhënë 25% të pjesës së pronësisë në “Bad Boy Entertainment”. Ai gjithashtu ka paditur Janice-n për komplot të supozuar për të marrë kontrollin e pjesës së tij dhe fshehjen e mashtrimit në mënyrë të paligjshme.

 
Në mars, Kirk akuzoi reperin e “I’ll Be Missing You” për një “model të thellë shqetësues” të keqtrajtimit, duke përfshirë afrime seksuale të padëshiruara, vojeurizëm të detyruar, presion fizik dhe nënshtrim të detyruar midis viteve 1995 dhe 1996.
 
Në një deklaratë, ekipi ligjor i Sean mohoi pretendimet e Kirk.