Aktorja Sydney Sweeney është shprehur se duhet t’i kishte adresuar më parë polemikat e shumta rreth reklamës së saj për markën e xhinseve “American Eagle”. Asokohe u përfol se aktorja po promovonte eugjenikën*. Sydney theksoi se mosreagimi i saj për këtë çështje thelloi ndarjen mes njerëzve.
Shpjegim: Eugjenika* - një teori dhe praktikë pseudo-shkencore, shumë e diskutueshme dhe e rrezikshme, e cila synon të “përmirësojë” cilësitë gjenetike të një popullsie përmes kontrollit të riprodhimit.
Sydney Sweeney, e cila u bë e njohur në “Euphoria”, serial nga HBO dhe që prej atëherë është shndërruar në një yll, tha për “Pople” se qëndroi në heshtje gjatë këtij debate, në të cilin ndërhyri edhe Donald Trump.
Aktorja tha se “e ka kuptuar që heshtja e saj lidhur me këtë çështje vetëm sa e ka thelluar ndarjen, jo e ka mbyllur atë”, duke shtuar se ajo është “kundër urrejtjes”.
“Ishtë me të vërtetë i befasishëm reagimi,” shtoi Sweeney. “E bëra sepse më pëlqejnë xhinset dhe më pëlqen marka. Nuk mbështes pikëpamjet që disa njerëz vendosën t’i lidhin me fushatën. Shumëkush më ka atribuar motive dhe etiketa që thjesht nuk janë të vërteta.”
Më tej, tha:
“Kushdo që më njeh e di që unë gjithmonë përpiqem t’i bashkoj njerëzit. Jam kundër urrejtjes dhe përçarjes. Shpresoj që ky vit i ri të sjellë më shumë fokus te ajo që na lidh, sesa te ajo që na ndan”, përfundoi aktorja.
Fushata “Sydney Sweeney has great jeans” u lançua në verë dhe ishte një sukses i madh për markën. Aksionet e American Eagle u rritën gjithashtu me 30%.
Por përdorimi nga kompania i një modeleje bionde, me sy blu, që thoshte “ka gjene/xhinse fantastike”, u kritikua si bartëse e nënkuptimeve eugjenike dhe si “një shenjë ndaj supremacisë së bardhë”.
Disa përdorues në rrjetet sociale e krahasuan reklamën me “propagandë naziste”; ndërsa një shkrimtar e përshkroi si “një mesazh direkt nga laboratori ku gatuajnë patogjenë të luftës kulturore”. Trump e quajti fushatën “reklama më e nxehtë e momentit”.
Marka nuk u kritikua vetëm nga e majta politike, revista financiare “Forbes” argumentoi se ajo duhet ta “rishqyrtojë” fushatën. Publikimi raportoi gjithashtu se vizitat në dyqanet “American Eagle” ranë me 9% deri në fund të verës.
