Kate Winslet kritikoi procedurat kozmetike “tmerruese” dhe barnat për humbje peshe, duke thënë se gratë e reja sot nuk kanë më “njohuri të vërtetë se çfarë është bukuria.” Ylli i "Titanic", 50 vjeç, tha për The Times:
“Oh, shtë tmerruese. Është shkatërruese. Nëse vetëvlerësimi i dikujt lidhet kaq shumë me pamjen, kjo është frikësuese.”
Aktorja shpjegoi se gëzon të shohë aktoret të veshura si duan, në çdo formë që kanë, por theksoi se shumë njerëz gjithashtu po marrin barnat për humbje peshe.
“Disa zgjedhin të jenë vetvetja, të tjerët bëjnë gjithçka që të mos jenë vetvetja. Dhe a e dinë se çfarë po fusin në trupin e tyre? Mospërfillja e shëndetit të dikujt është tmerruese. Më shqetëson më shumë se kurrë. Është kaos total.”
Përveç kritikave ndaj aktoreve dhe njerëzve që kursejnë për botox ose injeksione në buzë, Winslet theksoi se nuk ka bërë asnjë procedurë plastike.
“Gjëja ime e preferuar është kur duart plaken,” tha ajo. “Kështu është jeta, në duart e tua. Disa nga gratë më të bukura që njoh janë mbi 70 vjeç, dhe ajo që më shqetëson është se gratë e reja nuk kanë koncept të asaj që është bukuria.”
Aktorja fajësoi gjithashtu rrjetet sociale për ndikimin e tyre në shëndetin mendor dhe për llojin e “perfeksionit” që njerëzit përpiqen të arrijnë:
“Është zemëruese. Askush nuk po sheh më botën përreth vetes.”
Kate Winslet gjithashtu ka shprehur më parë se gratë bëhen më të bukura ndërsa plaken dhe ka kritikuar përdorimin e injeksioneve kozmetike, megjithëse ka pranuar se ka përdorur terapi zëvendësuese të testosteronit për të rritur dëshirën seksuale:
“Gratë kanë testosteron në trup, dhe kur mbaron, ashtu si vezët, duhet ta zëvendësosh; atëherë ndihesh përsëri seksi.”
