Ushtrimet e rregullta, gjumi i mirë dhe ushqimi i shëndetshëm janë disa nga mënyrat më të mira për ta ndihmuar trupin tuaj të luftojë stresin dhe të jetë i shëndetshëm. Vitaminat B ndihmojnë gjithashtu.
Këto vitamina luajnë një rol të rëndësishëm në metabolizëm duke shndërruar ushqimin që hani në energji të përdorshme. Vitaminat B janë gjithashtu thelbësore për shëndetin e zemrës dhe trurit.
Burimet ushqimore të vitaminave B përfshijnë drithërat, mishin, bishtajoret, vezët, produktet e qumështit dhe zarzavatet me gjethe.
Doza të larta të vitaminave B janë sugjeruar për të përmirësuar simptomat e stresit, të tilla si problemet e përqendrimit dhe nivelet e energjisë.
Në një studim 12-javor në 60 njerëz që kishin stres që lidhej me punën, ata që morën një nga dy format e një suplementi vitaminash B përjetuan më pak simptoma të stresit, përfshirë depresionin, zemërimin dhe lodhjen, krahasuar me të tjerët. Këto vitamina përmirësojnë humorin dhe reduktojnë ankthin.
Suplementet e vitaminave B janë zakonisht të sigurta kur merren brenda dozës së rekomanduar nga mjeku. Sidoqoftë, ato mund të shkaktojnë efekte anësore të dëmshme si dhimbja nervore kur merren në sasi të mëdha, prandaj nevojitet konsulta me specialistin.
- Si ta pimë kafenë që të mos na prishë gjumin në mbrëmje
- Ayurveda – 3 llojet e njerëzve: Mëso cilit grup i përket që të dish çfarë të hash dhe si të jetosh
- Ç’duhet të dini për sindromën e tunelit karpal, që prek gratë shtatzënë dhe jo vetëm
- Studimi zbulon se dieta mesdhetare parandalon demencën dhe humbjen e kujtesës
Burimet: Mayo Clinic, Healthline
