Will Smith ka postuar një video emocionuese në rrjetet sociale duke shprehur keqardhje për shuplakën në ceremoninë e ndarjes së çmimeve Oscars.

Aktori shkaktoi polemika në ceremoninë e këtij viti pasi goditi Chris Rock në skenë pas një shakaje për gruan e Smith, Jada Pinkett-Smith, dhe pamjen e saj. Smith publikoi ​​një deklaratë në Instagram për të kërkuar falje, por që atëherë ka heshtur.

Videoja pothuajse gjashtë-minutëshe, e postuar në kanalin e tij në YouTube dhe në faqen e Instagramit, tregon Will Smith duke iu përgjigjur pyetjeve që kanë qarkulluar që atëherë, duke filluar nga arsyeja pse ai nuk i kërkoi falje Chris Rock në fjalimin pasi fitoi çmimin “Aktori më i mirë”.

"Është e gjitha e turbullt. Kam kontaktuar me Chris dhe mesazhi që më erdhi mbrapsht është se ai nuk është gati të flasë dhe kur të jetë, ai do të më kontaktojë, kështu që unë dua të të them Chris, të kërkoj falje. Sjellja ime ishte e papranueshme dhe unë jam këtu sa herë që je gati për të folur," tha ai.

Më pas, shfrytëzon rastin për t'i kërkuar falje nënës së Chris. “Një nga gjërat për atë moment, thjesht nuk e kuptova, nuk po mendoja, por sa njerëz u lënduan në atë moment,” tha ai. Ai vazhdon duke thënë se tre muajt e fundit i ka kaluar “duke kuptuar nuancat dhe kompleksitetin e asaj çfarë ndodhi në atë moment” dhe theksoi nuk ka asnjë moment që mendon se ishte "mënyra e duhur për t'u sjellë.”

Will gjithashtu sqaroi se Jada nuk kishte lidhje me reagimin e tij, pra nuk i tha ajo që të bënte diçka. “E bëra vetë zgjedhjen nisur nga përvojat e mia, nga historia ime me Chris-in. Jada nuk kishte asnjë lidhje me të."

Më pas ai i kërkoi falje asaj dhe familjes së tij për shqetësimin që u solli të gjithëve.

"Më thyhet vërtet zemra që ju kam vjedhur dhe njollosur momentin tuaj," u tha ai të nominuarve dhe fituesve të tjerë në ceremoninë e Oscars. Kur u pyet se çfarë do t'u thoshte atyre që ndiheshin të zhgënjyer nga sjellja e tij, Will tha se "zhgënjimi i njerëzve" është trauma e tij kryesore.

“E urrej kur i zhgënjej njerëzit. Kështu që dhemb. Më lëndon psikologjikisht dhe emocionalisht të di se nuk përputhem me imazhin dhe përshtypjen që njerëzit kanë për mua. Jam thellësisht i penduar dhe po përpiqem të jem i penduar pa pasur turp nga vetja. Unë jam njeri. Kam bërë një gabim dhe po përpiqem të mos e mendoj veten si dështim,” shtoi ai.

Pas shuplakës, aktori dha dorëheqjen nga Akademia e Arteve dhe Shkencave të Filmit dhe u pezullua 10 vjet nga Oscars për "sjellje të papranueshme dhe të dëmshme". Filmi tjetër i Smith, “Emancipation”, thuhet se është pritur mirë në audienca e testuar dhe shihet si një pretendent i mundshëm për çmimet Oscars.