Cruz Beckham, djali i vogël i familjes, sapo rihyri në bisedën e dramës familjare. Kësaj radhe, ai ka bërë një “like” goxha domethënës në Instagram.
Postimi në fjalë? Një meme e bërë me një video të Victoria Beckham duke kërcyer me këngën e saj të vitit 2001, “I’m Not Such An Innocent Girl”, me mbishkrimin:
“Vallëzimi [i papërshtatshëm] i dasmës në fjalë.”
View this post on Instagram
Videoja ironizon ekzagjerimin e fjalëve të Brooklyn, që e quajti kërcimin e Victoria-s të papërshtatshëm, pasi më sipër duket qartë se Posh Spice-i nuk është se ka ndonjë sharm të lakmueshëm në kërcim.
Kujtojmë se Brooklyn akuzoi Victoria-n se i rrëmbeu vallëzimin e tij të parë me Nicola Peltz dhe se kërceu me të në mënyrë të papërshtatshme. Citim i drejtpërdrejtë:
“Nëna ime vodhi vallëzimin e parë me gruan time i cili ishte planifikuar prej javësh me një këngë dashurie romantike. Përpara 500 të ftuarve tanë të dasmës, Marc Anthony më thirri në skenë, kur sipas programit duhej të ishte duke ndodhur vallëzimi romantik me gruan time, por në vend të kësaj, nëna po priste për të vallëzuar me mua.
Ajo kërceu me mua në mënyrë shumë të papërshtatshme përpara të gjithëve. Nuk jam ndier kurrë më në siklet apo më i poshtëruar në gjithë jetën time. Ne donim të përsërisnim betimet e dasmës për të krijuar kujtime të reja nga dita e martesës, që të na sillnin gëzim dhe lumturi, jo ankth dhe turp.”
Një dëshmitar okular i ka thënë më pas Page Six se “Victoria u ngjit në skenë, i hodhi krahët rreth Brooklyn-it” dhe “iu afrua shumë qafës së tij”, duke shtuar:
“Ajo po kërcente me të në mënyrë shumë të papërshtatshme. Ajo ia vodhi atë moment Nicola-s, kjo është e vërteta e Zotit.”
