Vatikani ka shpallur zyrtarisht amerikanin Robert Prevost, me emrin papnor Leo XIV, si Papën e ri, pasardhësin e Papa Françeskut që ndërroi jetë së fundmi.
Kardinali më i lartë në hierarki doli në ballkonin e Bazilikës së Shën Pjetrit dhe bëri shpalljen tradicionale në latinisht: “Habemus Papam” – që do të thotë “Kemi një Papë të ri”.
Prevost është prezantuar si Papa i 267-të i Kishës Katolike këtë pasdite dhe doli në ballkon për të përshëndetur turmën e emocionuar që ishte mbledhur në Sheshin e Shën Pjetrit.
Yara Nardi/Reuters
Ky njoftim vjen pasi në orët e pasdites u ngrit tymi i bardhë nga oxhaku i Kapelës Sistine – sinjali që tregon se kardinalët kanë arritur një vendim.
Konklava, e përbërë nga 133 kardinalë, e mori vendimin në ditën e dytë të diskutimeve.
