Turqia ka vendosur për anëtarësimin tonë në NATO, thotë Finlanda
Presidenti i Finlandës, Sauli Niinisto, tha se pret që homologu i tij turk, Recep Tayyip Erdogan, t'i tregojë nëse Turqia po miraton kërkesën për anëtarësimin e vendit nordik në NATO, kur të dy të takohen në Ankara gjatë kësaj jave.
“Dihej se sapo presidenti Erdogan të kishte marrë vendimin e tij në lidhje me ratifikimin e anëtarësimit të Finlandës në NATO, ai do të dëshironte të takohej dhe të përmbushte premtimin e tij,” tha Niinisto për Reuters të mërkurën.
Lajmi erdhi pasi kryeministri suedez, Ulf Kristersson, tha gjatë një vizite në Berlin se ai shpresonte se pranimi i vendit të tij në NATO do të ratifikohej nga Turqia menjëherë pas zgjedhjeve të përgjithshme të planifikuara për në maj. Kancelari gjerman, Olaf Scholz, u tha gazetarëve se pranimi i Suedisë dhe Finlandës në aleancën ushtarake ishte kritik "për sigurinë tonë".
Argjentinë: Norma e inflacionit shkon në 100%, më e keqja në mbi 30 vjet
Norma vjetore e inflacionit të Argjentinës kaloi 100% në shkurt, njoftoi agjencia e statistikave të vendit, hera e parë që ka arritur në këtë shifër që nga periudha e hiperinflacionit të vitit 1991.
Në tregjet, dyqanet dhe shtëpitë e Argjentinës, ndikimi i rritjes së çmimeve po ndihet fort pasi një nga normat më të larta të inflacionit në botë po ndikon te të ardhurat e njerëzve. Me inflacionin kaq të lartë, çmimet ndryshojnë pothuajse çdo javë.
Çfarë po ndodh në Credit Suisse?
Credit Suiss eshtë një bankë globale investimesh dhe firmë shërbimesh financiare e themeluar në Zvicër. Aksionet e saj, që është banka e dytë më e madhe në Zvicër, ranë më shumë se 30% të mërkurën pasi aksioneri kryesor, Banka Kombëtare Saudite (SNB), përjashtoi mundësinë e ofrimit të financimeve të reja për shkak të rregulloreve që kufizojnë aksionet e saj.
Ky zhvillim i fundit është një tjetër goditje për Credit Suisse, e cila është përfshirë nga një sërë skandalesh financiare. Silicon Valley Bank pësoi kolaps javën e kaluar, tani Credit Suisse. Thënë kjo, bankat janë të shqetësuara për pasojat globale.
9 nga 10 persona në kampet siriane janë zhvendosur disa herë
9 nga 10 personat që jetojnë në kampet e Sirisë janë bërë disa herë të pastrehë, sipas një sondazhi të ri. Tërmeti shkatërrues i shkurtit në Turqi dhe Siri, i cili vrau dhjetëra mijëra njerëz, shkaktoi një situatë kaotike, si pasojë e së cilës rreth 98% e sirianëve që jetonin në kampe mbetën pa strehim të sigurt, sipas një raporti nga Action for Humanity (AFH).
