Në një botë ku Instagrami është bërë si kartë identiteti për lidhjet romantike, disa të dashur (ose ish-a) gjejnë mënyrat më kreative për të shmangur postimin e partneres. Më poshtë, kemi mbledhur disa nga justifikimet më qesharake dhe absurde që kanë ndarë vajzat në Anabel:
Kategoria 1: Na marrin mësysh – 10/10 klasik
“Na marrin mësysh.”
(Arsyeja më e famshme për të mbuluar gjithçka tjetër që s’ka lidhje me mësyshin!)
“Na han me sy.”
(Një variacion i parë më pak, por po aq qesharak.)
“Dua ta mbaj private, se na marrin mësysh dhe zihemi.”
(Po zihemi njëherë se s’poston!)
“Na han mësysh, ndërkohë më tradhtonte.”
(Po po, mësyshi ishte problemi më i madh këtu.)
“Kam thënë vetë që na han me sy ndaj mos të postojmë.”
(Përkthimi: Kam gjetur një justifikim të shpejtë.)
Kategoria 2: Faji i fisit/familjes
“Nuk dua t'i jap sqarime fisit.”
(Se fëmijët në vitin 2024 ende po raportojnë te hallat e dajat.)
“Nuk dua të bëj publike familjen.”
(Por ai poston nënën, tezen dhe kushëririn që është kampion i shahut.)
“S’jemi akoma familje zyrtare.”
(Po sa vite bashkë dhe sa fëmijë duhen për t’u bërë zyrtarë?)
“Nuk dua t’i jap llogari kolegëve.”
(Po kush do të japë llogari për këtë justifikim?)
Kategoria 3: Jam natyrë misterioze
“Jam natyrë misterioze, nuk dua të reklamohem në rrjete sociale.”
(Po misteri i tradhtisë si zgjidhet?)
“Të dua për vete, jo që të të shohin të tjerët.”
(Po të tjerat që i shikon ai?)
“Unë nuk postoj as veten time, do postoj ty?”
(E postimet e tij me makina dhe gjëra të tjera? Kujt i përkasin?)
“S’kam pse të reklamoj nusen time në IG.”
(Reklamon “single life” më mirë.)
Kategoria 4: Problem me “shoqërinë”
“Kam shumë shokë dhe s’dua që të të shohin nëpër sy.”
(Mos u tremb se mos të komplimentojnë?)
“Kam shokë që thonë ‘sa e mirë’ dhe s’dua t’i dëgjoj këto gjëra.”
(Pse, vetë ç’thotë për të tjerat?)
“Kolegët e mi janë policë, s’dua të më komentojnë poshtë fotove.”
(E, pastaj poston një selfie uniformë që i kap më shumë komente.)
Kategoria 5: Arsyet që s’kanë lidhje fare
“Dua ta kthej profilin në faqe pune.”
(Nuk kthehet kurrë.)
“S’jemi akoma shokë në IG, duhet të presësh.”
(Shokë pas 2 vitesh lidhje?!)
“S’kam pse të bëj sqarime për këto gjëra.”
(As për gjërat që thotë ky arsyetim…)
Konkluzioni?
Në fund të ditës, justifikimet e tyre janë më shumë material për humor sesa për shqetësim. Megjithatë, kur “na marrin mësysh” bëhet standardi, ndoshta është koha për të pyetur: Kush po e shkatërron vërtet këtë lidhje? Mësyshi apo vetë ai?
