Në një botë si televizioni, ku raporti me kamerat dhe publikun është i ndryshëm sa tek njëri prezantues e sa tek tjetri, kimia mes tyre është padyshim e vështirë për t’u arritur. Megjithatë një pjesë e mirë e çifteve të moderatorëve kanë një kimi për t’u pasur zili ndaj në vijim gjeni disa prej atyre që rrezatojnë më shumë pozitivitet me njëri-tjetrin, sipas Anabel.
Shënim: Renditja është rastësore!*
Ardit Gjebrea dhe Andressa
Që në daljen e saj të parë tek “E diela shqiptare”, Andressa fitoi menjëherë zemrën e shikuesve falë çiltërsisë dhe mungesës së komplekseve. Portretin e saj sigurisht që e plotësoi siç duhet një figurë si Arditi, i cili është ndër të rrallët që ka kimi pothuajse me gjithë bashkë-prezantuesit e tjerë.
Një gjë të tillë vumë re edhe me Bora Zemanin këtë të diel gjatë rubrikës së “Kënga Magjike” tek “E diela shqiptare”.
Ori Nebijaj dhe Isli Islami
Dyshja e “Wake Up” ka një kimi që vihet re çdo mëngjes përmes ekranit. Një gjë të tillë, të pranishme edhe gjatë kohës kur pjesë e “Wake Up” ishte edhe Eno Popi, Ori dhe Isli e transmetuan sërish në sezonin e ri televiziv të “Wake Up”.
Në fakt, vet natyra solare e Orit e thekson më tepër kiminë e veçantë, e cila ra në sy edhe gjatë prezantimit të emisionit veror “Pushime on Top” ku bashkë-prezantoi me Flori Gjinin.
Salsano Rrapi dhe Xhemi Shehu
Jo vetëm kanë një raport të veçantë gjatë prezantimit të “Portokalli”, por dyshja na surprizoi të gjithëve kur disa sezone më parë Xhemi dhe Salsano provuan të aktronin së bashku në pjesën e “Atentateve” bashkë me Florjan Binajn.
Bes Kallaku dhe Erion Isai
Meqë jemi tek “Portokallia”, nuk mund të mos përmendim raportin e Bes Kallakut dhe Erion Isait, të cilët kaluan në një tjetër dimension gjatë prezantimit të festivalit “Kënga Magjike 2017”. Besi dhe Erioni, tashmë prezantues të “B.E Caffee” tek “E diela shqiptare” vërtetuan sërish se bashkë mund të bëjnë punë të mira.
Si qershia mbi tortë, është prania e Olsi Bylykyt që edhe pse e nisi karrierën i vetëm në “Portokalli”, duket se u përshtat me lehtësi me çiftin Erion-Besi.
Marina Vjollca dhe Edi Manushi
Fjoralba në sezonin e kaluar të "Procesi Sportiv" bëri një punë të shkëlqyer, Nevina Shtylla këtë sezon gjithashtu, megjithatë Marina dhe Manushi do të mbahen mend gjatë, ndoshta lidhur edhe me kohëzgjatjen e prezantimit.
