Për afro një vit, dizajneri Valdrin Sahiti e mbajti të fshehtë që një prej fustaneve të tij ishte përzgjedhur nga Kylie Jenner për të promovuar linjën e saj për produkte për fëmijë, KylieBaby. Në videon e xhiruar 1 vit më parë, Kylie shfaqet me të bijën, Stormi-n, dhe një prej veshjeve në klip është krijim i Sahitit.

“Muza Kylie Jenner,” shkroi dizajneri në Instagram.

Bashkëpunimi me Kylie Jenner shënon një tjetër sukses në karrierën e Valdrin Sahitit, i cili është ndër të preferuarit e ekipeve të stilistëve të personazheve të famshëm të cilët kërkojnë gjithandej për punë origjinale.

Kjo metodë pune i ka sjellë me dhjetëra herë te dizajneri shqiptar, si Fanrasia Taylor, Yvonne Ojri, Bebe Rexha dhe Iskra Lawrende. Chloe dhe Halle, motrat e preferuara të Beyonce, performuan në edicionin e 62 të çmimeve Grammy të veshura nga Valdrin Sahiti. Përpos kësaj, pak kohë më parë, Sahiti bashkëpunoi edhe me Kelly Rowland, yllin e “Destiny’s Child”.

Po kështu ai krijoi fustanin e Cardi B për një fushatë të Palms Casino Resort në Las Vegas, si dhe fustanin e saj të ditëlindjes së 28-të. Sahiti veshi Paris Hilton në nëntor MTV American Music Awards, ndërsa në janar të vitit 2020 Beyonce zgjodhi një fustan të Sahitit për në pre-Grammy Gala.

Në gusht të këtij viti, modelja Winnie Harlow ishte një nga yjet që zgjodhi të vishej nga Valdrin Sahiti.