Ju kujtohet kur dizajneri Valdrin Sahiti foli në mars të këtij viti për mesazhet me Cardi B? Nëse jo, i ftuar në “Xing me Ermalin”, ai tregoi se Cardi B i kishte shkruar në Instagram, pasi dëshironte të vishte një fustan nga koleksioni i tij. Fillimisht nuk e kishte besuar, por stafi i dizajnerit i konfirmoi se ishte më të vërtetë profili i verifikuar i reperes. Për cilin fustan bëhet fjalë?

Vetë dizajneri publikoi sot në Intagram një postim ku shfaqet Cardi në videon “Palms: Unstatus Quo” – një fushatë e Palms Casino Resort në Las Vegas, që ka për qëllim të krijojë një vizion të ri për t’i dhënë një tjetër dimension zhvillimeve në Las Vegas.

Siç mund ta shihni, në video, e cila është parë nga gati 19,500,000 njerëz, reperja shfaqet e veshur me një fustan të zi nga VS, që krijon efektin e madhështisë dhe krenarisë përmes jakës.

Nuk është hera e parë që Sahiti bashkëpunon me yje me famë botërore për evente dhe promovime të famshme; Chloe dhe Halle Bailey, motrat që menaxhohen nga Beyonce, Fanrasia Taylor, Yvonne Ojri, Bebe Rexha dhe Iskra Lawrende janë disa nga emrat

Një listë me fustanet e Sahitit, të cilat shkelën në eventet prestigjoze botërore, e lexoni këtu.