Pra, ti nominonesh për Oscars dhe njerëzit guxojnë të të quajnë dështake...botë e çuditshme!
Glenn Close është nominuar katër herë për çmimin “Aktorja më e mirë” në Oscars. Në total, aktorja numëron 8 nominime dhe 0 çmime. Kur ylli i “Minari” Youn Yuh-jung fitoi çmimin “Aktorja më e mirë në rol joprotagonist”, Los Angeles Times publikoi një artikull me titull, “Pas 8 humbjeve në Oscars, Glenn Close është aktorja më e nominuar pa një fitore”.
Në një komunikim për Associated Press, aktorja u shpreh se nuk e ka lexuar artikullin, por megjithatë u përgjigj: “Së pari, nuk mendoj që jam një dështake.”
“Kush në atë kategori është dështak? Ju jeni atje, jeni me pesë njerëz të nderuar. Çfarë është më mirë se kaq? Sinqerisht mendoj që shtypit i pëlqen të ketë fitues dhe humbës. Dhe pastaj thonë kush është veshur më keq? Pastaj, kush mbajti fjalimin më të keq."
Karriera e Close, ndonëse nuk ka një çmim Oscar, përfshin disa nga çmimet më të rëndësishme, si Emmy, Golden Globe and Tony Awards. Ajo është nominuar për Grammy dhe është nominuar në Oscars për filmat “The World According to Garp”, “The Big Chill”, “The Natural”, “Fatal Attraction”, “Dangerous Liaisons”, “Albert Nobbs”, “The Wife” dhe “Hillbilly Elegy.”
- Oscars thyen ligjin? Aktivistët vënë re diçka madhore
- Pas reagimeve dhe memeve, Halle Berry thotë se flokët në Oscars ishin thjesht paruke
- Leonardo DiCaprio është protagonisti i versionit të ri të filmit fitues në Oscar
- Nuk iu dha çmimi: Familja e të ndjerit Chadwick Boseman reagon pas Oscars
- Oscars 2021: Çfarë kishin kaq të veçantë bizhuteritë me vlerë $6 milionë të Zendaya-s?
- Në fjalimin e tij në Oscars, aktori falenderon prindërit që bënë seks
- Lista e plotë e fituesve të Oscars 2021