Në maj të 2016-s, Eva Longoria u martua me biznesmenin meksikan José Bastón. Ceremonia intime u organizua gjatë perëndimit të diellit në Valle de Bravo në Meksiko. Pati fishekzjarre, një fustan i dizenjuar nga Victoria Beckham, të ftuar të famshëm. Sigurisht ushqim të mirë dhe alkool. Këtij të fundit nuk i rezistuan as yjet e famshëm, të cilët e tepruan paksa.
E ftuar në “Watch What Happens Live with Andy Cohen”, aktorja u pyet se cilët qenë dy të famshmit që u dehën në dasmën e saj. 44-vjeçarja përmendi:
1. Ricky Martin
2. Victoria Beckham
Dhe meqë ra fjala, për kulturë më shumë, gjatë eventeve të rëndësishme, Victoria Beckham përpiqet të mos konsumojë shumë alkool përmes një teknike jo dhe aq të këndshme: përtyp kokrra kafeje. Mesa duket, gjatë dasmës së Longoria-s, nuk i mori me vete.
